श्री. बिलाल शेख हे बेस्ट उपक्रमातील विद्युत पुरवठा विभागाचे सहाय्यक महाव्यवस्थापक आहेत. ते दि. ३१.०५.१९८८ रोजी बेस्ट उपक्रमामध्ये रुजू झाले होते. त्यांनी १९८७ मध्ये अमरावती विद्यापिठातून, इलेक्ट्रीकल पॉवर सिस्टिमस या विषयातून पदवी प्राप्त केलेली आहे. तसेच त्यांनी Electricity Regulations (वीज नियमन) हा विषय घेऊन पदव्युत्तर पदविका घेतलेली आहे.
त्यांनी ३५ वर्षांच्या विविध विभागांमध्ये केलेल्या कामाच्या अनुभवातून मिळविलेल्या नैपुण्याचा व कार्यक्षम व्यवस्थापन कौशल्याचा लाभ उपक्रमाच्या वीज ग्राहकांना अखंडीत व सुरळीत विद्युत पुरवठयाच्या माध्यमातून होत आहे.
श्री सुनील रामचंद्र जाधव हे बेस्ट उपक्रम परिवहन विभागाचे मुख्य व्यवस्थापक (वाहतूक) आहेत. श्री सुनील जाधव १३.०३.१९९२ रोजी बेस्ट उपक्रमात रुजू झाले. ते मुंबई विद्यापीठातून विज्ञान पदवीधर आहेत आणि त्यांनी २०१३ मध्ये मानव संसाधनामध्ये व्यवसाय प्रशासन (एमबीए) मध्ये पदव्युत्तर शिक्षण पूर्ण केले आहे.
त्यांना डेपो व्यवस्थापन आणि वाहतूक संचालन विभागाचा २९ वर्षांचा अनुभव आहे. इंटेलिजंट ट्रान्सपोर्ट मॅनेजमेंट सिस्टीम (ITMS), ऑटोमॅटिक फेअर कलेक्शन सिस्टीम (AFCS), भाड्याने घेतलेल्या बसेसचे नियोजन आणि वेळापत्रक यांसारख्या विविध प्रकल्पांच्या यशस्वी अंमलबजावणीचा त्यांचा एक भाग आहे.